In una catasta di vecchi libri di narrativa per la scuola media che mia madre ha sbattuto in soffitta, ho trovato la versione originale de "La Gatta Cenerentola" con testo italiano a fronte. Non l'avevo mai letta.
"Ora mo, essenno venuta la festa e sciute le figlie de la maiestra tutte spampanate sterliccate 'mpallaccate, tutte zagarelle campanelle e scartapelle, tutte shiure adure cose e rose, Zezolla corre subeto a la testa e, ditto le parole 'nfrocicatole da la fata, fu posta 'n ordene comme na regina e, posta sopra n'acchinea con dudece pagge linte e pinte, iette addove ievano le sore, che fecero la spotazzella pe le bellezze de sta penta palomma. (...)
Venne l'autra festa e, sciute le sore tutte aparate e galante, lassaro la desprezzata Zezolla a lo focolaro; la quale subeto corre a lo dattolo e, ditte le parole solete, ecco scettero na mano de dammecelle: chi co lo schiecco, chi co la carrafella d'acqua de cocozze, chi co lo fierro de li ricce, chi co la pezza de russo, chi co lo pettene, chi co le spingole, chi co li vestite, chi co la cannacca e collane, e fattala bella comme a no Sole, lamesero a na carrozza a seie cavalle, accompagnata da staffiere e da pagge de livrera, a ionta a lo medesemo luoco dove era stata l'autra festa, agghionze maraviglia a lo core de le sore e fuoco a lo pietto de lo re. (...)
(Il Re)chiamma lo scrivano, commanna lo trommetta e tu tu tu fa iettare no banno: che tutte le femmene de la Terra vengano a na festa vannuta e a no banchetto, che s'ha puosto 'n chiocca de fare. E, venuto lo iuorno destenato, oh bene mio che mazzecatorio e che bazzarra che se facette! Da dove vennere tante pastiere e casatielle? dove li sottestate e le porpette? dove li maccarune e graviuole? Tanto che 'nce pteva magnare n'asserceto formato.
Venute le femmene tutte, e nobele e 'gnobele e ricche e pezziente e vecchie e figliole e belle e brutte e buono pettenato, lo re, fatto lo profizzio, provaie lo chianiello ad una ped una a tutte le commitate, pe vedere a chi iesse a capillo ed assestato, tanto che otesse canoscere da la forma de lo chianiello chello che ieva cercanno: ma, non trovanno pede che 'nce iesse a siesto, s'appe a desperare."
E' stupendo!